Škoda Superb feston 25 vjet

Në vitin 2026, Škoda Superb shënon 25 vjet nga rikthimi i emrit historik në gamën moderne të markës. Që nga viti 2001, modeli është zhvilluar në katër gjenerata dhe ka fituar pothuajse 1.8 milionë klientë.

Superb është pozicionuar ndër vite si një model i fokusuar te hapësira, komforti dhe sofistikimi teknik, duke u bërë një prej emrave më të rëndësishëm në portofolin Škoda.

Historia e emrit shkon edhe më larg: modelet e para Superb u prodhuan që në vitet 1930. Gjenerata moderne e riktheu atë në vitin 2001 dhe, gjatë 25 viteve që pasuan, modeli evoluoi vazhdimisht duke ruajtur karakterin e tij të dallueshëm.

Sot, gjenerata e katërt vazhdon këtë histori, duke sjellë interpretimin më të fundit të Superb.

Zbuloni historinë 25-vjeçare të Škoda Superb dhe evolucionin e saj ndër gjenerata.

50 vite evolucion Škoda në rally

Sa shumë mund të ndryshojë një makinë rally në pesë dekada? Kampioni i WRC2, Emil Lindholm, provoi Škoda 120 S Rallye, një nga makinat e para të garave të prodhuara për klientë në Mladá Boleslav, dhe e krahasoi atë me Fabia RS Rally2 moderne.

120 S Rallye u homologua për garat ndërkombëtare në klasën deri në 1,300 cm³ dhe në specifikim gare arrinte deri në 120 kuaj fuqi, pa turbo.

Pesë dekada më vonë, Fabia RS Rally2 sjell sistem me katër rrota aktive, frenim dhe teknologji moderne, por sipas Lindholm ruan disa nga cilësitë që karakterizoninin edhe paraardhësen: besueshmërinë, qëndrueshmërinë dhe përshtatshmërinë për stile të ndryshme drejtimi.

Zbuloni historinë që lidh dy gjenerata të Škoda Motorsport.

Škoda Peaq: një nivel i ri për gamën elektrike

Škoda prezanton Peaq, modelin e ri të markës dhe SUV-in më të madh e më të gjerë në gamën e saj. Me konfigurim deri në shtatë vende, Peaq sjell një kombinim të hapësirës, komfortit dhe teknologjisë në krye të portofolit elektrik Škoda.

Peaq ofron mbi 640 km autonomi elektrike dhe, në konfigurimin me pesë vende, deri në 935 litra hapësirë bagazhi – më shumë se çdo model tjetër Škoda.

Modeli sjell gjithashtu disa risi për markën: ekran infotainment 13.6 inç i vendosur vertikalisht, doreza dyersh të integruara në karroceri dhe çatinë panoramike më të madhe të përdorur ndonjëherë në një Škoda.

Me Peaq, Škoda zgjeron më tej gamën e saj elektrike dhe sjell filozofinë Modern Solid në segmentin e SUV-ve të mëdhenj.

Zbuloni më shumë për Škoda Peaq dhe risitë e flamurtarit të ri elektrik