Pajisje sigurie shtesë

• ABS pengon bllokimin e rrotave gjatë një frenimi urgjent ose gjatë frenimit në një rrugë të rrëshqitshme.
• Asistenti i frenimit mbështet shoferin gjatë një frenimi urgjent duke shtuar presionin mbi frena. Kështu distanca e frenimit mund të reduktohet në mënyrë të ndjeshme.
• MSR (Kontrolli i tërheqjes së motorit) neutralizon tendencën për bllokim të rrotave aktive kur automjeti frenon në sipërfaqe të rrëshqitshme rruge.
• ASR (Kontrolli i rrëshqitjes së rrotave aktive) pengon xhirimin e gomave gjatë nisjes apo përshpejtimit në sipërfaqe të rrëshqitshme rruge.
• EDS (Bllokuesi elektronik i diferencialit) ndihmon gjatë përshpejtimit dhe ngjitjes së dishezave me tërheqje të ulët në një prej rrotave aktive.
• XDS+ (Bllokuesi elektronik diagonal) ndihmon shoferin në kthesat e forta dhe siguron që automjeti të sillet në mënyrë neutrale gjatë ecjes dinamike në kthesa. Elektronika e komandimit simulon kryesisht një diferencial me rrëshqitje të kufizuar për të përmirësuar tërheqjen dhe dinamikën e ecjes në kthesa.
• Falë kontrollit të presionit të gomave shoferi mund të lexojë presionin e gomave në çdo kohë.
• Funksioni opsional HHC (Asistenti i ngjitjes në dishezë) ndihmon shoferin për nisje në siguri të plotë në dishezë. Sistemi aktivizohet nga një pjerrësi prej 5 gradësh dhe mundëson nisjen e lehtë e të sigurt në dishezë pa përdorur frenat e dorës. Ai parandalon ecjen mbrapsht të automjetit dhe fikjen e motorit.

Sistemi Start-Stop

Ideja pas sistemit Start-Stop është që motori të fiket sa herë që nuk është i nevojshëm të punojë. Prandaj është i dobishëm sidomos në trafikun urban, pasi redukton ndjeshëm konsumin e karburantit.