2017-11-09

ŠKODA, kjo markë që nuk di të ndalet.

 

I shohim kudo, si taksi, makina policie, makina biznesi, familjare por edhe si zgjedhje e parë e sipërmarrësve të suksesshëm. 

Të ndalosh e të pyesësh drejtuesin e një ŠKODA duhet ta llogarisësh mirë kohën pasi do flasë gjatë e me krenari për zgjedhjen e zgjuar që ka bërë. Vëmendja në çdo detaj bën që modelet ŠKODA të tërheqin atë që zgjedhjen e bën me mend, laps e zemër.

Prej vitesh ŠKODA sjell më të mirën e teknologjisë gjermane dhe dizajnit Çek. Investimi i markës ka dhënë fryte në mbarë Europën ku për vitin e dytë rradhazi ŠKODA tejkalon 1 milion makina të shitura brenda një viti dhe një rezultat rekord në nivel të ardhurash prej 12.5 miliard Eurosh. 
Ky sukses reflektohet edhe në tregun e vogël Shqiptar ku ŠKODA ngjiti me shpejtësi renditjen e makinave të reja në vend duke arritur në vitin 2015 të triumfojë ndaj 25 markave të tjera dhe të zërë një pjesë tregu prej 16.7% (në 1,516 makina të shitura) në segmentin e makinave të pasagjerëve. Do ishte fitore e vogël nëse suksesi nuk do të vazhdonte gjatë 2016 ku kjo markë konsolidon më tej vendin e parë në treg. Në një treg të vogël si Shqipëria, ŠKODA për periudhën Janar-Gusht ka shitur më tepër se 1 makinë çdo ditë (përfshirë festat dhe fundjavat). Ecuria e mirë këto 8 muajt e parë të vitit ka bërë (ndryshe nga pothuajse të gjithë aktorët e tjerë në treg) që objektivi vjetor i shitjes të rishikohet duke u rritur ndjeshëm.

Sot vështirë të kërkosh një taksi e të mos jetë një prej modeleve më të fundit të ŠKODA-s. E pamundur të presësh gjatë pa ndeshur Yeti-n, Octavia-n, Rapid-in, Superb-in, Fabia-n apo Citigo-n e vogël në rrugët e çdo qyteti në Shqipëri. 
Ecuria e mirë në treg ka bërë që Porsche Albania (kompania që importon dhe tregëton ŠKODA -n në Shqipëri) të afrojë në kohë investimin e parashikuar për ti dhënë markës një shtëpi tërësisht të rikonstruktuar. "Me ecurinë e jashtëzakonshme në treg e patëm të lehtë të justifikonim investimin, për rinovimin total të sallonit ŠKODA, para bordit tonë drejtues në Austri" - shprehet Gentian Bushati, drejtor i përgjithshëm në Porsche Albania.

Me një model për çdo nevojë, ŠKODA zë pjesën e 'luanit' në segmentin 'Compact SUV' dhe A0. Sot mbi 70% e tregut taksi, në nivel kompanie, zotërohet nga ŠKODA. Bizneset gjithmonë e më shumë po e shohin ŠKODA-n si partnerin e pandashëm të ditës së punës. Individë e familjarë po i besojnë markës Çeke lëvizjet në qytet e jashtë tij.

Me një gamë modelesh në zgjerim ŠKODA shpejt do të hyjë në një tjetër segment në zhvillim të tregut si ai SUV ku përkrah SUV-së kompakte ŠKODA Yeti do të rreshtohet edhe modeli më i ri ŠKODA Kodiaq.

Njohja e Shqiptarëve me ŠKODA është e hershme por dashuria ka lindur pas viteve 90. Një makinë si ŠKODA që nuk di të ndalojë, ekonomike dhe që nuk i bie vlera është vështirë për ta gjetur por e pamundur për ta ndërruar.

Ky site përdor cookies për përvojën më të mirë të mundshme të përdoruesit. Duke përdorur faqen tonë të internetit, ju pranoni që cookies të ruhen në pajisjen tuaj.
Prano dhe vazhdo.